معرفش ده غباء منى ولا سوء تقدير ولا يمكن حكمة ربنا...بس فى الفترة اللى فاتت دى كلها ( اخر 3 سنين او 4 ) ...
كنت بضيع فرص كانت ممكن تفيدنى اوى...و كانت ممكن تعمللى اصحاب كتير جدا...
بعدت ناس عنى كتير...و زعلت ناس منى اكتر...
كل ما افتكر اى حاجة من الحاجات اللى عملتها احس ان فى سحابة رزلة من الدخان كبست على قلبى ...
اخرها النهاردة ...كان فى اشخاص كنت بتمنى..لا بتمنى ايه !...كنت بحلم اقضى وقت معاهم...
جالولى النهاردة و قالولى تعالى نعمل كذا وكذا و نقضى يوم جميل...
معرفش بغبائى ليه عملت فيها بفكر..و اكنى مش مرتاح لفكرتهم...مع انى فرحت اوى من جوايا لما سمعتلهم...
فى الاخر حسوا انى مش موافق...و حبوا يرجعوا فى كلامهم عشان مايكسفوش نفسهم ...
و انا من جوايا زعلت اوى..
ساعتها كان نفسى يبقى قدامى حيطة...عشان اقعد اخبط دماغى فيها من كتر قرفى من نفسى و حزنى...
الحكاية دى اتكررت يجى دشليون مرة ...و كل مرة بعمل اللى بعمله ده ...و كل مرة يجيلى نفس الاحساس الرخم ده...
انا زهقت بقى
كنت بضيع فرص كانت ممكن تفيدنى اوى...و كانت ممكن تعمللى اصحاب كتير جدا...
بعدت ناس عنى كتير...و زعلت ناس منى اكتر...
كل ما افتكر اى حاجة من الحاجات اللى عملتها احس ان فى سحابة رزلة من الدخان كبست على قلبى ...
اخرها النهاردة ...كان فى اشخاص كنت بتمنى..لا بتمنى ايه !...كنت بحلم اقضى وقت معاهم...
جالولى النهاردة و قالولى تعالى نعمل كذا وكذا و نقضى يوم جميل...
معرفش بغبائى ليه عملت فيها بفكر..و اكنى مش مرتاح لفكرتهم...مع انى فرحت اوى من جوايا لما سمعتلهم...
فى الاخر حسوا انى مش موافق...و حبوا يرجعوا فى كلامهم عشان مايكسفوش نفسهم ...
و انا من جوايا زعلت اوى..
ساعتها كان نفسى يبقى قدامى حيطة...عشان اقعد اخبط دماغى فيها من كتر قرفى من نفسى و حزنى...
الحكاية دى اتكررت يجى دشليون مرة ...و كل مرة بعمل اللى بعمله ده ...و كل مرة يجيلى نفس الاحساس الرخم ده...
انا زهقت بقى
6 التعليقات:
خيرها فى غيرها
بس ابقى اعقلها وتوكل
طالما ان الاصحاب او الزملاء مش بيوجهو لمعصيه
والخروجه او المشوار عادى
كدب احساس التكاسل دا وروح معاهم
قول لحالك مره تفوت ولا حد يموت
عادى
ربنا يستر ومكررهاش تانى :)
طيب وليه مارحتش معاهم برضه تانى
كنت قلهم سيبت اللى كان ورايا وجيتلكم
كانو حسوا انك حابب تقعد معاهم
ماهو عشان كدا انا غبى :)
يا عم ، الأصحاب بيروحوا و ييجوا ، خيرها فى غيرها :)
مش دايما بيروحوا و يجوا
إرسال تعليق